• Басты бет
• Жаңалықтар

Жаңалықтар

• 04.09.2025 Білім күні -2025 🎉 Білім күні – 2025! 🎉 Бүгінгі салтанатты алғашқы қоңырау рәсіміне Зеренді ауданының әкімі Асет Асылбекұлы мен аудандық білім бөлімінің басшысы Динара Шаймерденқызы арнайы қонақ болып қатысты. 📚 Қонақтар оқушыларға сәттілік тілеп қана қоймай, күрделі жөндеуден...
• 04.09.2025 2025 жылдың 27 тамыз күні Зеренді аудандық мәдениет үйінде «БІЛІМ КЕЛЕШЕГІ: АДАЛ АЗАМАТ, КӘСІБИ МАМАН» ҰСТАЗДАРДЫҢ АУДАНДЫҚ ТАМЫЗ КОНФЕРЕНЦИЯСЫ өткізілді. Мақсаты-білім беру жүйесін дамытудың басым бағыттарын анықтау, өткен оқу жылының қорытындыларын талқылау және жаңа 2025-2026 оқу жылына арналған стратегиялық міндеттерді белгілеу. Конференцияға Зеренді ауданының әкімі Құрманғожин Әсет Асылбекұлы, Ақмола облысы білім басқармасының мектепке дейінгі және жалпы орта білім бөлімінің бас маманы Шакшакова Айгуль Сайлаубековна қатысты. Конференцияда келесі сұрақтар қаралды: «Зеренді ауданы бойынша білім бөлімінің алдында тұрған жаңа міндеттер», «Мектепке дейінгі тәрбие мен оқыту мазмұнын жетілдірудің басым бағыттары», «Адал азамат» біртұтас тәрбие бағдарламасының жүзеге асырылуы», «Экопрактика: қарапайым қадамдар тұрақты нәтижеге әкеледі», «Мектептегі ғылыми-зерттеу қызметі», «Оқушылардың кәсіби өзін-өзі айқындауындағы сынып жетекшісінің рөлі», «Шығармашылық - болашақтың іргетасы». Тамыз конференциясы-бұл қорытындылау ғана емес, сонымен қатар жаңа беттің басталуы. Педагогикалық қоғамдастықтың бірлескен күш-жігерімен біз әр баланың дамуы мен табысқа жетуіне мүмкіндік беретін болашақты құрамыз. .
• 06.08.2025 АТА-АНАЛАРҒА ҮНДЕУ Құрметті ата-аналар! Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссия кәмелетке толмаған балалардың кешкі және түнгі уақытта ересектердің қарауынсыз қоғамдық орындарда жүру фактілерінің жиілеп кетуіне алаңдаушылық білдіреді. Ішкі істер министрлігінің ресми мәліметтері бойынша, ағымдағы жылдың 27-29 шілде күндері аралығында өткен «Түнгі қаладағы балалар» профилактикалық рейді шеңберінде 8 мыңға жуық әкімшілік құқық бұзушылық анықталды. Атап айтқанда: - 705 ата-ана бала тәрбиесіне қатысты ата-аналық міндеттерін орындамағаны үшін жауапкершілікке тартылды; - 176 ұсақ бұзақылық тіркелді; - түнгі уақытта кәмелетке толмағандардың ойын-сауық орындарында және көшеде болуына жол бергені үшін 6,8 мың ата-ана мен 170 кәсіпкерге шара қолданылды. Бұл фактілер балаларға қатысты құқық бұзушылықтарға алып келуі мүмкін еді. Осыған байланысты полиция органдары тарапынан олардың алдын алуға бағытталған шаралар қабылданды. Ата-аналар мен кәмелетке толмағандардың заңды өкілдеріне үндеу тастаймыз: балалардың қауіпсіздігіне төнетін қауіп-қатерлердің артуына байланысты, олардың қайда жүргенін бақылауға алып, жеке қадағалауды күшейтулеріңізді сұраймыз. Қазақстан Республикасының заңнамасына сәйкес, кәмелетке толмағандардың сағат 22:00-ден кейін ата-анасының немесе заңды өкілінің ілесуінсіз көшеде жүруіне тыйым салынады. Бұл талаптың бұзылуы әкімшілік жауапкершілікке әкеп соғады және кейбір жағдайларда орны толмас қайғылы зардаптарға әкелуі мүмкін – баланың да, отбасының да тағдырына әсер етуі ықтимал. Кешкі және түнгі уақытта көшеде жүрген балалар, әсіресе теріс пиғылды ортаның ықпалына түссе, мынадай қатерлерге тап болуы мүмкін: құқық бұзушылық, бейәлеуметтік топтарға тартылу, қайғылы оқиғалар және зорлық-зомбылық. Сіздерден өтініш: • балаңыздың қайда және кіммен жүргенін күнделікті біліп отырыңыздар; • оның түнгі уақытта қараусыз көшеде жүруіне жол бермеңіздер; • балаңызбен жеке қауіпсіздік, жауапкершілік және заңға құрмет туралы жиі сөйлесіп отырыңыздар. Отбасы – тәрбиенің алғашқы және ең маңызды ошағы. Балалардың бойында тәртіптілік, әлеуметтік жауапкершілік пен құқықтық сана тек ата-аналардың белсенді қатысуымен қалыптасады. Балалардың қауіпсіздігіне деген жауапкершілік – алдымен ересектердің міндеті. Қоғам, мемлекет және отбасы бірлесе әрекет еткенде ғана біз Қазақстан балаларына қауіпсіз әрі жарқын болашақ қамтамасыз ете аламыз. Құрметпен, А.Ғ. Балаева, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның Төрағасы /public/files/2025/8/6/060825_134059_whatsapp-image-2025-08-06-at-123404.jpeg /public/files/2025/8/6/060825_134133_whatsapp-image-2025-08-06-at-123429.jpeg
• 23.06.2025 "Мемлекеттік білім беру мекемелеріндегі білім алушылар мен тәрбиенушілердің жекелеген санаттарына қала сыртындағы және мектеп жанындағы лагерьлерде демалуы үшін құжаттар қабылдау және жолдама беру" мемлекеттік қызмет көрсетуге қойылатын негізгі талаптардың тізбесі /public/files/2025/6/23/230625_170120_gos-usluga-lagery.docx
• 16.06.2025 «Ақмола облысы білім басқармасының Зеренді ауданы бойынша білім бөлімі» мемлекеттік мекемесі 2025 жылғы 26 мамырда білім бөлімінің ресми сайтында жарияланған балаларға қосымша білім беру бойынша 97 орынға мемлекеттік білім беру тапсырысын орналастыру конкурсы туралы хабарландырудың күшін жойылғандығын және оның жарамсыз деп танылғандығын хабарлайды. Аталған шешімнің негізі – хабарландыру мазмұнының, атап айтқанда 67-тармақтың, еңбек нарығының қажеттіліктерін ескере отырып техникалық және кәсіптік, орта білімнен кейінгі кадрларды даярлау, сондай-ақ мектепке дейінгі тәрбие мен оқыту, орта білім және балаларға қосымша білім беру бойынша мемлекеттік білім беру тапсырысын орналастыру қағидаларының талаптарына сәйкес келмеуі. Бұл қағидалар Қазақстан Республикасы Оқу-ағарту министрінің 2022 жылғы 27 тамыздағы №381 бұйрығымен бекітілген (Қазақстан Республикасы Әділет министрлігінде 2022 жылғы 27 тамызда №29323 болып тіркелген). Осылайша, бұл жағдай бойынша Кәсіпкерлік кодексінің 4-бабының, 2-тармағының бұзылды.
• 03.06.2025 Зерендіде Балалық шақ мейрамы! 2025 жылғы 1 маусымда Зеренді ауылының орталық алаңында Халықаралық балаларды қорғау күніне арналған жарқын әрі мейірімді мереке өтті. Құттықтау сөзін Зеренда ауданы әкімінің орынбасары Серік Тишибаевич Исаханов сөйледі. Мерекені қазақ тіліндегі «Әншуақ» Республикалық балалар әні фестивалінің қорытынды гала-концерті ашты. Бұл күні ауданымыздың ең талантты жас әншілері өнер көрсетіп, қазақ мәдениетін дамытуға және тілді музыка мен шығармашылық арқылы сақтауға қосқан үлестері үшін алғыс хаттар мен сыйлықтарға ие болды. Балаларға арналған «Моана және оның достары» атты театрландырылған қойылым қойылды.
• 27.05.2025 Айдабол ауылының жалпы білім беретін мектебінің базасында мектеп директорларының тәрбие ісі жөніндегі орынбасарларының аудандық әдістемелік бірлестігінің отырысы өтті. Іс-шараның тақырыбы: «Оқушылардың өзін-өзі басқаруын дамыту және олардың азаматтық белсенді ұстанымын қалыптастыру». Семинарға тәрбие ісі жөніндегі 45 директор орынбасары қатысты. Семинардың мақсаты – «Біртұтас тәрбие» бағдарламасын іске асыру аясында Айдабол ауылы мектебінің жұмыс тәжірибесін жинақтау және тарату, сондай-ақ жазғы кезеңге іс-шараларды жоспарлау барысында директор орынбасарларына әдістемелік көмек көрсету. Айдабол ауылының жалпы білім беретін мектебінің директоры Райгүл Аяғанқызы Жүсіпова қатысушыларды қарсы алып, семинарды ашты, мектептің тарихы мен ұстаздары мен оқушыларының жетістіктерімен таныстырды. Пленарлық отырыс аясында аудандық білім бөлімінің әдіскері Нұрсұлу Жанкелдіқызы Аубакирова “Жаз – 2025” жазғы демалыс пен бос уақытты тиімді ұйымдастыру бағдарламасымен таныстырып, оқушылардың жазғы бос уақытын ұйымдастырудың негізгі бағыттарына назар аударды. Бағдарламаға сәйкес әріптестер тәрбие жұмысының негізгі аспектілері бойынша баяндама жасады: * Айдабол ауылының жалпы білім беретін мектебінің тәрбие ісі жөніндегі орынбасары Озиева Әсет Ахметқызы «Балалар қауіпсіздігі – ересектердің қамқорлығында» тақырыбында сөз сөйледі; * Ақкөл ауылының жалпы білім беретін мектебінің тәрбие ісі жөніндегі орынбасары Таран Татьяна Викторовна «Аутодеструктивті мінез-құлықтың алдын алу» тақырыбын ашып көрсетті; * Гранитный кентінің негізгі орта мектебінің тәрбие ісі жөніндегі орынбасары Медиманова Үміт Ізбасарқызы «Экстремизм мен терроризмнің алдын алу» тақырыбында баяндама жасады; * Зеренді ауылының Мәлік Ғабдуллин атындағы мектеп-гимназиясының тәрбие ісі жөніндегі орынбасары Кенжина Дәмегүл Мұхамедрахымқызы «Құқықбұзушылықтың алдын алудағы мектептің рөлі: оқушылар мен қоғамның өзара іс-қимылы» тақырыбында мектеп тәжірибесімен бөлісті. Семинардың екінші бөлігінде қатысушылар тренингтер мен шеберлік сағаттары өткізілген тақырыптық локацияларға барды: * Айдабол ауылының жалпы білім беретін мектебінің педагог-психологы Мищерина Ольга Владимировна «Оқушыларда өзін-өзі басқару арқылы көшбасшылық қасиеттерді дамыту» тақырыбында практикалық сабақ өткізді; * Спорт залында қосымша білім беру педагогы, «Жас турист» үйірмесінің жетекшісі Радченко Максим Вячеславович «Командалық рухты қалыптастыру құралы ретінде дене белсенділігі» атты көрсетілім сабағын өткізді; * Айдабол ауылы мектебінің мектепішілік өзін-өзі басқару көшбасшысы Болатова Диана «Оқушы кеңесінің тәжірибесі: жетістіктер мен келешек» тақырыбында өз жұмысымен бөлісіп, тренинг жүргізді; * Айдабол ауылы мектебінің ағылшын тілі пәнінің мұғалімі, Балалар мен жасөспірімдер шығармашылығы орталығы жанынан жұмыс істейтін «Пікірсайыс» үйірмесінің жетекшісі Мұхамеджанова Гаухар Барамбайқызы «Пікірсайыс өнері: дәлелдеу және сендіру жолдары» тақырыбында шеберлік сағатын өткізді.
• 26.05.2025 «Ақмола облысы білім басқармасының Зеренді ауданы бойынша білім бөлімі» ММ үйірмелер мен секциялардың келесі түрлеріне балаларға қосымша білім беруге мемлекеттік білім беру тапсырысын іске асыру туралы хабарлайды Ақмола облысы білім басқармасының Зеренді ауданы бойынша білім бөлімі балаларға қосымша білім беруге мемлекеттік білім беру тапсырысын орналастыру туралы келесі бағыттар бойынша қосымша білім берудің 97 орындық мемлекеттік білім беру тапсырысы конкурс жариялайды: - ғылыми-техникалық (бастапқы техникалық модельдеу; авиамодельдеу; автомодельдеу; судомодельдеу; ракетомодельдеу; робототехника; космонавтика; 3Д-модельдеу; компьютерлік графика; машина жасау; ғарыштық радиобайланыс; радиотехника; мотоцикл спорты; картинг; модельдеу; ату спорты; инженерлік жобалау негіздері; робототехникалық және мехатрондық жүйелердің инженерлік жобалау негіздері; өнертапқыштық және рационализаторлық; радиоспорт; радиоэлектроника; құрастыру; бағдарламалау; компьютерлік дизайн; кинобейне жасау; желкенді іс; электротехника; химиялық-техникалық бағдарламалау; лего-құрастыру; спорттық радиомоделизм; авто ісі негіздері; сәулеттік модельдеу; сәулет құрылыстарының технологиясы; телестудия; техникалық бағдарламалау; әскери техниканы модельдеу; стендтік моделизм; шағын көлемді су көлігін модельдеу; аэроғарыштық білім беру және модельдеу; ғарыштық ғылым; рендеринг – физикалық модель проекциясын құру; ұшу-парашюттік дайындық; квадроциклдер; қарда жүргіштер; ағаш ұстасы; автослесарь; багги; физика және робототехника; робототехника: құрастыру және бағдарламалау; ұлттық қолөнер; жас құтқарушы; STEAM-зертхана (СТЭМ-зертхана); ерекше қажеттілігі бар балаларға арналған құрастыру; киберспорт ұшқышсыз ұшу аппараттары) - 59 орын (бір білім алушыға және (немесе) тәрбиеленушіге орташа құны-15 217 тг); - көркемдік-эстетикалық бағыт (керамика, қыш бұйымдары ісі; модельдеу, мүсін, керамикалық мүсін; кесте тігу; тоқыма тоқу; тігу, макраме; оригами, қағаздан жасалған қолөнер (гүлдер, құстар, жануарлар); кілем тоқу; зергерлік өнер; ағаштан көркем кескіндеме; металға көркемдік кескіндеме; керамикаға көркем кескіндеме; былғарыны көркем өңдеу; металды көркемдік өңдеу; пирография, ағаш күйдіру, былғары, мата; киімді көркемдік үлгілеу; томбурлы кестелеу; ағашты көркемдік өңдеу; арт-терапия; сән дизайны қыш өнері, модельдеу) - 24 орын (бір білім алушыға және (немесе) тәрбиеленушіге орташа құны-15 217 тг); - әлеуметтік-педагогикалық бағыт (журналистика, медиа орталықтар; пікірсайыс қозғалысы; еріктілер қозғалысы; кәсіпкерлік негіздері; шешендік өнер; интеллектуалды ойындар клубы) - 8 орын (бір білім алушыға және (немесе) тәрбиеленушіге орташа құны- 15 217 тг). - жаралыстану - математика (математические курсы) – 6 орын (бір білім алушыға және (немесе) тәрбиеленушіге орташа құны-15 217 тг). Конкурсқа қатысуға ниет білдірген ұйымдар 2025 жылдың 26-30 мамыр айының аралығында білім бөлімінің кеңсесіне немесе zerendaoo@aqmoedu.kz электрондық поштаға құжаттарды ұсынуы қажет: 1) білім бөлімі басшысының атына "Ұлттық білім беру деректер базасы" ақпараттық жүйесіне енгізу туралы өтініш; 2) бұйрықта көрсетілген нысан бойынша өтініш 3) қосымша білім берудің білім беру бағдарламаларын іске асыратын заңды тұлға құрмай ЖК қоспағанда, ұйым жарғысының көшірмесі (Ереже, құрылтай шарты); 4) жылжымайтын мүлікке құқық белгілейтін құжаттардың көшірмесі немесе ұйым пайдаланатын ғимаратты жалға алу шартының көшірмесі; 5) балаларға арналған қосымша білім беру бағдарламаларының көшірмелері. Мемлекеттік ұйымдардың бағдарламаларын білім бөлімі бекітеді, аптасына 4 сағаттық жүктеме; 6) тиісті бейін бойынша педагогикалық немесе өзге де кәсіптік білімі бар және білім алушылар мен тәрбиеленушілерді оқыту және тәрбиелеу, білім беру қызметін әдістемелік сүйемелдеу немесе ұйымдастыру жөніндегі педагогтің кәсіптік қызметін жүзеге асыратын белгіленген үлгідегі білім туралы педагогтердің құжаттарының көшірмелері (жұмыс орнынан анықтама, еңбек кітапшасының көшірмесі, педагог пен осы ұйым арасындағы еңбек шарты) 7) штат кестесінің көшірмесі, педагогтердің біліктілік деңгейі туралы құжаттардың көшірмелері; 8) ұйымның жұмыс тәжірибесін растайтын құжаттардың көшірмелері (бар болса) немесе жұмыс тәжірибесінің жоқтығы туралы хат; 9) ұйым басшысының қолымен және мөрімен расталған бейнебақылау камераларын орналастыру схемасы, бейнеұрағатты кемінде 30 тәулік сақтағанын растайтын құжат; 10) ұйым басшысының қолымен және мөрімен расталған өрт кезінде эвакуациялау жоспарының сызбасы. Аталған құжаттар нөмірленеді, тігіледі, ұйым басшысы қол қояды, мөрмен (бар болса) не басшының қолымен куәландырылады. /public/files/2025/5/26/260525_191246_obyyavlenie-na-2-h-yazna-26052025.docx
• 20.05.2025 2025 жылы 16 мамыр күні аудандық мәдениет үйінді «Цифрлық білім беру ортасы: жасанды интеллекттің трендтері мен перспективалары» аудандық семинар-кеңес Зеренді ауданы әкімінің орынбасары С.Т. Исахановтың қатысуымен өткізілді. Семинарға білім мекемелерінің пән мұғалімдері қатысып, өз тәжирибелерімен бөлісті. «Функционалдық сауаттылықты дамытудағы ЖИ платформалардың мазмұндық және функционалдық мүмкіндіктері». Майданова Наргиз Болатовна, Қонысбай ауылының ЖОББМ қазақ тілі мен әдебиеті мұғалімі. «Bilim Kids платформасын пайдалану бойынша әдістемелік нұсқаулықтар». "Аружан" жеке меншік бөбекжайының меңгерушісі, Ескендирова Ханым Есенжановна «Орыс тілі мен әдебиеті сабақтарында жасанды интеллектті қолдану». Калиева Жанна Болатовна, Алексеевка аыулының №2 ЖОББМ орыс тілі және әдебиет пәні мұғалімі «Жаратылыстану-математикалық бағытындағы пәндерді беруде жасанды интеллекті қолдану». Шалашун Константин Владимирович, Алексеевка ауылының №1 ЖОББМ, физика және информатика мұғалімі. «Ағылшын тілі сабағында жасанды интеллекті қолдану, өз тәжірибесімен бөлісу». Мухамеджанова Гаухар Барамбаевна, Айдабол ауылының ЖОББМ ағылшын пәні мұғалімі. «Тарих пәнін оқытуда ЖИ қолдану тәжірибесі». Мукажанов Баглан Мырзабекович, Красный Кордон ауылының НОМ тарих пәні мұғалімі. «Жасанды интеллект құралдары Google&Canva және Quizizz платформалары» Абдрахманова Асем Амановна, Қонысбай ауылының ЖОББМ директордың оқу ісі жөніндегі орынбасары. «Жасанды интеллект мектеп психологының тәжірибесіндегі құрал ретінде». Бекишова Зайра Муратовна, Жылымды ауылының НОМ педагог-психологі. «Жасанды интеллект арқылы математикалық білім берудің трансформациясы: болашақтың білім кеңістігі». Лесбай Мейрамкүл Тойлыбайқызы, Елікті ауылының ЖОББМ математика пәнінің мұғалімі. «Химия және биология сабақтарында ЖИ қолдану», Сатубалдинова Аида Кайратовна, М.ғабдуллин а. НОМ химия және биология мұғалімі. Цифрлық білім беру ортасындағы жасанды интеллект – бұл жай ғана технология емес, білім берудің болашағы. ЖИ-дің көмегімен оқыту сапасы артып, оқушылар мен мұғалімдерге жаңа мүмкіндіктер ашады.
• 13.05.2025 Ташкент қаласында 1-5 мамыр аралығында 2012 және 2013 жылдары туған жасөспірімдер арасында Өзбекстан Республикасының еңбек сіңірген жаттықтырушысы А.А. Лощинининді еске алуға арналған футболдан ашық халықаралық турнир өтті. 2012 жылы туған жасөспірімдер командасы 3 орынды иеленді, ал 2013 жылы туған жасөспірімдер командасы осы турнирдің чемпионы атанды, Зеренді ауданы мен БЖСМ атынан келген барлық балаларды құттықтаймыз. «Жiгер», сондай-ақ қосымша білім беру педагогтары Күленюк А.А. және Қажығалиева С.К. және Supernovas командасының жаттықтырушысы Шолтышев Ж.